HADEZTA
HABURAS DEZEMVOLVE TALENTO
HABURAS DEZEMVOLVE TALENTO
Postu Saude Besahe no Rezidensia ba Pesoal Saude iha Suku Mantelolau, Postu Administrativo Metinaro, Munisipiu Dili, bele inagura ona husi Representante husi Embaixada Japaun ba Timor-Leste, Sr. Shingo HIGASHIMOTO no Vice-Ministru Dezenvolvimentu Estratejiku Saude i Ministru da Saude Interinu, Sr. Bonifacio Maucoli dos Reis, Lic. SP. Orsamentu ba obra refere, apoiu husi Governu Japaun liu husi "Projetu atu haforsa Asistensia Servisu Kuidadu Saude Primaria liu Husi Partisipasaun Komunidade", ne'ebe implementa husi organizasaun Naun Governamental "SHARE" no konstrusaun ba obra refere husi "HADEZTA". Konstrusaun hahu iha 07/03/2019 no remata obra nee, 07/09/2019, durante fulan 6 nia laran. Partisipasaun iha inagurasaun nee, Representante Embaixador Japaun Iha Timor-Leste, Vice-Ministru Dezenvolvimentu Estratejiku Saude i Ministru Saude Interinu, Diretor Geral husi Ministeriu Saude, Presidente Autoridade Munisipiu Dili, Administrador Postu Administrativu Metinaro, Diretora Servisu Saude Munisipiu Dili, Diretora NGO SHARE, Diretor NGO HADEZTA, Komandante PNTL no FFDTL husi Postu Administrativu Metinaro, Autoridade Lokal no mos komunidade tomak husi Suku Mantelolau.
Hadezta hanesan ONG ida ne'ebé hakarak hanorin Joven Foin sa'e sira ne'ebe hakarak hasae sira nia kapasidade, konesimento no skill iha Ciência Tecnologia no mos Lingua.
